LP: Dalampasigan

31 Jul 2008

Sa dinami-dami ng mga Koreano na nagsisiksikan sa mga dalampasigan ng Pilipinas, aakalain mong wala nito sa bansang Korea. Meron naman kaya lang ay hindi kasing gaganda na kagaya sa ating bansa at kalimitan ay hindi maliguan kung hindi panahon ng tag-araw dahil malamig ang tubig kung hindi.

Ang litrato sa ibaba ay kuha sa isang lugar na ang tawag ay Ammyeondo (gawing kanluran), mga dalawang oras mula sa Seoul. Pansinin na kung low tide ay pwedeng lakarin ang dalawang islang bato at kung high tide naman ay hindi na pwede. Ang ibang larawan ay mga lamang-dagat na mabibili sa dalampasigan mismo ng Ammyeondo. Sariwang-sariwa at kailangan lang ay maghanap ng malaking bato kung saan pwedeng umupo para kumain.

Napakasarap ng talaba na sinasawsaw sa “cho gochugang” na gawa sa sili. Hindi ko pa natikman ang sariwang pugita dahil takot ako na baka dumikit sa lalamunan at hindi ako makahinga. Napakalalaki ng mga tahong at ano ba ang tawag sa mahabang iyun? Dahil panahon na ng tag-araw, magbabakasyon kami nitong Linggo sa isang dalampasigan sa gawing silangan ng Korea. Siguradong pagkarami-raming tao!

Tags: ammyeondo, korean beach

18 Responses to LP: Dalampasigan

Linnor

July 31st, 2008 at 9:05 am

wala akong makitang lumot sa dalampasigan na iyan. mukhang malinis. at napatitig din ako sa kuha mo ng mga seafood. pero, di ba staple ang kanin sa korea? sa sarap nyan, tiyak mapapakain ako ng kanin. hehehe.

Linnors last blog post..Litratong Pinoy: Dalampasigan

NONA

July 31st, 2008 at 9:07 am

Ayos ang mga larawan at pagsalarawan. Oo nga masarap ang talaba sawsaw sa suka. Basta luto ha… hehe. Pero yung panghuling larawan, marami rin dito sa Tsina at ako’y takot diyan lol!

NONAs last blog post..Dalampasigan

ces

July 31st, 2008 at 9:24 am

nakakatuwa naman at pwede itong lakarin kapag low tide! ang ganda!

lidie

July 31st, 2008 at 9:41 am

sang ayon ako kay ces! parang ang sayang tumawid dyan
magandang huwebes sa’yo!

lino

July 31st, 2008 at 12:27 pm

medyo di ako mahilig kumain ng hilaw o kinilaw, hehehe…
happy huwebes…

linos last blog post..dalampasigan…(sea shore)

Girlie

July 31st, 2008 at 2:44 pm

promise hindi didikit sa lalamunan mo ang pugita, di dumikit sakin eh, nguyain mo lang ng mabuti, hehe. kakainggit naman ang mga fresh seafoods na yan.

jennyL

July 31st, 2008 at 3:13 pm

awww parang d ko kayang kainin yan..iikot ang tyan ko hehehe.. pero mukhang enjoy manguha ng ganyan happy LP

jennyLs last blog post..: LP: White Haven Beach

July 31st, 2008 at 4:19 pm

Anyong haseyo, Betchay! Waa, napulot ko lang yan dito kasi may kasama kaming Korean
Nakow, ke-sasarap naman ng mgs shells na iyan. Are they prepared like kilawin tulad sa Cebu? Mukhang challenging nga yang pugita ha? Ano ba masarap na pampadulas sa mga yan – soju?

ZJs last blog post..Litratong Pinoy #8: Ang Mahiwagang Takip-silim sa Dalampasigan ng Kep

arlene

July 31st, 2008 at 4:22 pm

sa una kung tingin sa unang litrato (without reading the details below the pics) my first thought was china. hahaha. i saw how chinese too visits the dalampasigan in their casual clothesbt with hats, umbrellas and even some in their heels. the place does not have much difference to central china dalampasigan.

is that red sauce ketchup?

arlenes last blog post..Litratong Pinoy – Dalampasigan

peterahon

July 31st, 2008 at 8:22 pm

hahaha kinilaw na pugita… I’ve tried it gumagalaw-galaw pa… syempre sanay akong kumain dahil sa ilocos e mayroon din kaming jumping-salad, kinilaw na hipon galing sa ilog…

sa Sabado nasa Shinan kami…

btw have you read the comics book – Korea Unmasked ni W. Rhie, interesting read on Korea.

peterahons last blog post..Tayo ng mag-swimming!

komski kuno

August 1st, 2008 at 10:50 pm

Nangunguha ba sila lahat ng mga tahong at talaba? Hehehe. At parang ang weird nga nung sariwang pugita at sili, hmmm, ang totoo, di pa ako nakakakita ng pugita, hehehe.